Námskeiðahald framundan

Næstu námskeið byrja í marz og er fullbókað í alla hópa. Þegar þeim námskeiðum lýkur ætlum við að taka inn framhaldshópa sem hafa verið á bið allt síðasta ár. Því höfum við lokað fyrir skráningar á biðlista þar til staðan verður endurmetin í maí. Tugir tölvupósta berast nú í hverri viku og þykir okkur leitt að geta ekki boðið þeim sem vilja námskeið en því miður önnum við ekki eftirspurn. Albert Steingrímsson og Þórhildur Bjartmarz

Hvolpanámskeið í Þorlákshöfn

Brynhildur Inga Einarsdóttir byrjar með nýtt námskeið sunnudaginn 14. febrúar – kennt verður á sunnudögum – nánari upplýsingar hjá Brynhildi í síma: 893 1455 eða reykjadals@gmail.com

Brynhildur Inga Einarsdóttir, hundaþjálfari

Námskeið í marz til maí 2021

Staðan í námskeiðahaldi hjá okkur er þannig að öll pláss eru frátekin nú í janúar. Þá eru öll pláss frátekin í næstu lotu þ.e.a.s. á námskeiðum, hvolpa og hlýðni sem eru á áætlun um miðjan marz.

Námskeiðahald okt. nóv. des

Eins og annarstaðar í þjóðfélaginu hefur Covid-19 truflað talsvert starfsemi okkar. Enn og aftur erum við á eftir áætlun með námskeiðin sem eru í gangi núna og því einnig á eftir áætlun með ný námskeið sem áttu að byrja um miðjan okt. Við munum reyna að koma þeim nemendum sem eiga frátekin pláss á námskeið eins fljótt og kostur er.

ATH! Ekki verður tekið við fleiri skráningum á næstunni og líklega ekki fyrr en eftir áramót. Ef það breytist verða laus pláss auglýst á þessari síðu.

Albert og Þórhildur

Frestum öllum námskeiðum í hundaskólanum frá 7. okt

Við í Hundalíf erum hundhlýðnin og fylgjum tilmælum sem ríkislögreglustjóri hefur beint til íbúa höfuðborgarsvæðisins sem eru m.a:

Viðburðahaldarar eru hvattir til að fresta þeim viðburðum sem eiga að fara fram næstu tvær vikur… jógahópar, gönguhópar, kórar og hjólahópar, sem dæmi, geri hlé á starfsemi sinni næstu tvær vikur.

Okkur þykir leitt að tilkynna að öll starfsemi hundaskólans fellur niður í tvær vikur frá og með morgundeginum 7. okt.Nemendur eru hvattir til að æfa vel heima og eiga góða daga í samvistum við hundinn/hundana sína